بسم الله الرحمن الرحيم
السلام عليكم,,,
السبت كان عندي إمتحان..
قوانين واجد حفظ..
قوانين واجد متشابهة..
ويش أسوي.. ويش أسوي..
رحت الجامعة, دخلت سكشن فاضي, و قعدت أدرس و أدرس و أدرس..
تعبت و تعب مخي…
فجأة شفت ورق لاصق يستخدمونه طلاب العلاج الطبيعي..
لعب الشيطان في مخي.. 
سليت سيفي.. قصدي قلمي..
چان أكتب على الورق..
چان أنتبه إني كنت لابس نعال..
چان أخذ الورق و ألصقه على نعالي..
چان أرد أدرس..
چان أفكر فيها, و يعورني بطني..
تخيلت روحي و أنا في القاعة الكبيرة, و الدكتورة صايدتني..
بل بل بل.. على أخر عمري أتبهدل و أصير بيزة ما أسوى..
شوي.. إلا أحس روحي حافظ كل شيء 
شوي و أشيل الورق من النعال..
رحت الأمتحان و أنا أتحلطم على روحي..
أقول لويش شلته, ألحين إذا نسيت القوانين ويش بسوي..
چان الدكتورة الطيوبة مخلية لينا القانون الي ما ينحفظ قبل السؤال..
أشوى ما غشيت
اشوى ما غشيت ها