بسم الله الرحمن الرحيم
السلام عليكم
[mrgreen] [mrgreen] [mrgreen]
و الله هذي الجامعة عجيبة, كل يوم تكتشف شيء يبهرك, لكنها تخليك تصيح [cry] [cry] في النهاية
لاحظت أشياء واجد بالجامعة, و يمكن الغالبية العظمى لاحظتها:-
1- البنات أزيد من الأولاد [evil] [mad] [mad]
2- الدكاترة متساهلين مع البنات أزيد [mad] [mad] [mad] [mad] [evil] [evil] [question] [question]
3- غالبية الطلاب يسبون الجامعة [mrgreen]
4- الكافتريات ألي بالمدينة قليلة, و توهم صايدين أكل خراب بأحداهم [eek] [eek] [eek]
5- نعلة الحمامات قليلة, يعني لازم تحجز لك نعال [evil] [mad]
6- الطلبة لا يعجبهم العجب و لا الصيام في رجب [mrgreen]
7- الدكاترة ما يهتمون إلى ظروف الطلاب, أهم شيء الدراسة تمشي [evil]
8- السكورتية أغلبهم متساهلين, و أذا طالب أخطأ و السكورتي عاتبه, الطالب يمشي و يشتر في السكورتي و يقول أن حاط الضدية وياه [eek] [eek]
9- طلاب واجد أنتهى التسجيل المبدأي و هم ما يدرون [lol]
10- طلاب واجد يدرسون التخصص من غير رغبة, و أكثر شيء تحصل هالأمر في كليتنا ” IT ” [cool]
11- سكاشن بعض المباني صغيرة, و المسجل فيها أكثر من ألي تتحمله, و أكبر مثال هو مبنى 10
12- كولرات الماي [idea] أتشوفها من بعيد, و تقول في نفسك ” الله ألحين أبوصل و بشرب عشرة قلاصات [biggrin] “, و أذا وصلت أليهم, و جيت بتشرب, تكتشف أنه ما في قلاصات [eek] [eek] , و تستحي تشرب ببوزك [mad]
13- مواقف السيارات متعورة حدها, و ما في رقابة عليها, يعني هديك اليوم أنا و صديقي, شفنا وحده شلخت بمبر سيارة جديدة, و لا وقفت شافتها, على طول مشت [eek] [eek] [eek]
14- غالبية الطلبة ما عندهم الجرأة على السؤال, أو تقديم أي مداخلة, و خصوصاً أذا كان السكشن مشحون [rolleyes]
15- البنات عموماً أشطر من الطلاب, لكن لوحة الشرف فيها صبيان أزيد [mrgreen] [mrgreen]
16- روحوا قاعة الأنترنت في المكتبة, و أحسبوا ليي كم واحد قاعد يهر و يمر على المسنجر, و ناس متعطلة تبي تسجل مواد أو تسوي شيء.
17- لو أنا أراجع بقدر ما أهر و أمر, أنشان صار معدلي 4 [lol]
في أمان الله.
==========================
التعليقات التي أرسلت في البلوق القديم
التعليقات تظهر من الأحدث إلى الأقدم
أرسل بواسطة haythoo [زيارة موقعه الشخصي]
بتاريخ: May 24th 2005
هلا بأخواني
ويش أسوي, هذي الملاذ الوحيد ألا أفتح قلبي فيه
——————————————————————————–
أرسل بواسطة treebee
بتاريخ: May 24th 2005
allah kareem
its the only way to feel fine
keep ur way
——————————————————————————–
أرسل بواسطة hassa_zx
بتاريخ: May 24th 2005
وفي ناس واجد اعرفهم ماخذين بي اي اس وحولو الي تخصصات ثانية مع ان كانت رغبتهم الاولي
……… يمكن امفكرين ان الامور ابسط بواجد
الله كريم
تحياتي
