بسم الله الرحمن الرحيم
السلام عليكم
خرابيش جامعة البحرين UOB
أكيد أغلب الطلبة شاف بعض الكلمات و العبارات المكتوبة على الجدران و الطاولات و حتى
الأعلانات إلي موجودة على الأبواب.
طبعاً أغلبها تكون مشوهة للمنظر, لكن ما في أحد يقدر يشوفها و ما يقرأها
يمكن تكون كتابات كتبها الكاتب من الملل أو للتسلية أو لأيصال رسالة, و لكن في النهاية
فأن هذي الكتابات تبين شخصية الكاتب, و حتى لو كان كاتبها غير مقتنع بها. لأنه في
أعتقادي أن الكتابات ألي تجي بصورة عشوائية تكون نابعة من القلب
أتمنى أشوف طاولة بالمكتبة نظيفة , لازم تكون عليها خرابيش, و ما أقدر ما
أقرئها, و دائماً تكون هذي الخرابيش خفيفة على القلب.
قبل أسبوعين, كنت بالمكتبة أراجع, و طبعاً لازم بين فترة و أخرى, أسرح و أقعد أفكر في
أشياء هرار, و أقعد أقرأ هذي الخرابيش, و في أغلب الأحيان هذي الخرابيش تضحكني
.
لو بنحسب عدد الأيميلات المكتوبة على الطاولات الموجودة بالمكتبة بنعجز
لأنه كل واحد عنده أيميل يروح يكتبه
المهم و أنا أطالع بالطاولة لفتت نظري خربوشة , و صورتها بالتلفون, و قلت لنفسي, لويش
ما أخليها بالموقع و أشوف رأي الاخوان و الأخوات بمسألة الخرابيش.
و هذي صورة عن قسمنا , مكتوب فيها ” الله يوفق كل طلبة الـ ce لأنه غلابة , على راي
المصريين ”
http://www.haythoo.net/images/53P60013.jpg
و هذي صورة ثانية موجودة بقسمنا في الصخير ” s21 ” , و هذا أعلان موضوع على أحد
السكاشن, و به تحذير, أن ما يصير الطلبة يدخلون السكشن أذا ما كانوا مسجلين فيه.
فقامت أحد الأخوات ” يبين من الكتابة بنت ” بكتابة :- ” كيفي بحضر مو كيفيكم ”
فرد عليها أحد الاخوان :- ” لا مو كيفش و خلي عنش اللقافة ”
http://www.haythoo.net/images/53N90010.jpg
طبعاً أنا ما أقول أن هذا امر جيد, و النظافة من الأيمان
لكن هذا ما يمنع أني أقول أنها كتابات خفيفة على القلب
================
التعليقات في البلوق القديم
http://www.haythoo.net/blog/comments.php?id=55
